ອາຫານທີ່ຄວນກິນຫລັງອອກກຳລັງກາຍ 5 ຊະນິດ

ເຜີຍແຜ່ວັນທີ 25/01/2022

ການຈະຮັກສາສຸຂະພາບໃຫ້ສົມບູນແຂງແຮງນັ້ນ ນອກຈາກການອອກກຳລັງກາຍແລ້ວ ການກິນກໍເປັນເລື່ອງສຳຄັນ ແລະ ອາຫານທີ່ຄວນກິນຫລັງອອກກຳລັງກາຍ 5 ຊະນິດທີ່ຈະແນະນຳໃຫ້ກິນນັ້ນແມ່ນປະກອບດ້ວຍ:

    ປາແຊລມອລ: ອຸດົມໄປດ້ວຍໂປຣຕິນ-ໂອເມກາ 3 ທີ່ຊ່ວຍເສີມສ້າງກ້າມຊີ້ນໃນຮ່າງກາຍ ຫລັງຈາກທີ່ເຮົາໃຊ້ການອອກກຳລັງກາຍ ແລະ ໂອເມກາ 3 ກໍມີສ່ວນຫລຸດອັດຕາການສ່ຽງຕໍ່ການເກີດພະຍາດຫົວໃຈ ແລະ ຫລອດເລືອດນຳອີກ.

ໄຂ່: ໄຂ່ 1 ໜ່ວຍໃຫ້ໂປຣຕິນປະມານ 6 ກຣາມ ຄືໄຂ່ຂາວ 4 ກຣາມ ແລະ ໄຂ່ແດງ 2 ກຣາມ ສ່ວນໄຂ່ແດງແມ່ນມີສານອາຫານທີ່ໃຫ້ປະໂຫຍດຕໍ່ຮ່າງກາຍເຊັ່ນ: ໂປຣຕິນ, ໄຂມັນ, ວິຕາມິນເອ, ດີ, ອີ, ເກືອແຮ່ ແລະ ແຮ່ທາດຕ່າງໆ ເຊິ່ງມີຄຸນຄ່າເຊັ່ນດຽວກັບໄຂມັນຈາກປາແຊລມອລ ຫລື ປາທະເລນັ້ນເອງ.

    ມັນດ້າງ: ເປັນອາຫານທີ່ມີເສັ້ນໄຂສູງ. ນອກຈາກນັ້ນ ຍັງປະກອບໄປດ້ວຍວິຕາມິນ ແລະ ຄາຣໄບໄຮເດດ, ສ່ວນຫົວມັນຊະນິດເຫລືອງແມ່ນຈັດເປັນແຫລ່ງເບຕ້າແຄໂຣທີນຊັ້ນດີ ໃຜທີ່ກຳລັງຫລຸດນ້ຳໜັກ ມັນດ້າງກໍມີສ່ວນຊ່ວຍໃນການຫລຸດນ້ຳໜັກໄດ້ດີເຊັ່ນກັນ.

    ໝາກນັດ: ມີວິຕາມິນເຊສູງ. ນອກຈາກນັ້ນ ຍັງມີເອນໄຊ ແລະ ບໍຣມິເລນ ຊ່ວຍໃນການຍ່ອຍອາຫານ ແລະ ຮັກສາອາການປວດບວມ. ໝາກນັດຈຶ່ງຈັດເປັນໝາກໄມ້ທີ່ຄວນຮັບປະທານຫລັງຈາກອອກກຳລັງກາຍ.

    ນ້ຳດື່ມ: ການດື່ມນ້ຳຄັ້ງລະໜ້ອຍເວລາອອກກຳລັງກາຍ ຫລື ດື່ມນ້ຳຫລັງອອກກຳລັງກາຍຈະເປັນການຕື່ມຄວາມສົດຊື່ນໃຫ້ຮ່າງກາຍ, ແຕ່ການດື່ມນ້ຳບໍ່ແມ່ນວ່າຈະດື່ມຫລັງອອກກຳລັງກາຍເທົ່ານັ້ນ ແຕ່ເຮົາຄວນດື່ມນ້ຳໃຫ້ເປັນນິໃສ ຄືມື້ລະ 6-8 ຈອກ ຫລື ປະມານ 2 ລິດ.

Footer Image
error: