ລອງໃຊ້ສູດນີ້ເບິ່ງເດີ້ ໝູ່ຊະນິດຢືມເງິນແລ້ວບໍ່ໃຊ້ເຮັດແນວໃດດີ 7 ວິທີທວງຫນີ້ຄົນສະນິດ ລະມຸນແຕ່ໄດ້ຜົນ 100%

ເຜີຍແຜ່ວັນທີ 20/02/2022

ສະຖານະການທີ່ຫຼາຍຄົນເຄີຍພົບມາ ຄື ໝູ່ຊະນິດຢືມເງິນ ປົກກະຕິແລ້ວບໍ່ຍອມໃຫ້ງ່າຍໆ ແຕ່ເພາະວ່າໝູ່ເວລາໂທມາກໍເຮັດສຽງຊິ້ນຫວັງໃສ່ ເລີຍໃຈອ່ອນໃຫ້ຢືມເງິນໄປແຕ່ພໍຈະທວງກໍບໍ່ກ້າ ພໍເຫັນໜ້າກະບອກວ່າມື້ນັ້ນມື້ນີ້ທາງເຮົາທີ່ໃຫ້ຢືມກໍບໍ່ສົນໃຈທີ່ຈະທວງຄືນ. ແຕ່ແລ້ວກໍ່ບໍໄດ້ເງິນຄືນ ເຮັດໃຫ້ເຮົາຄິດວ່າ ນີ້ບໍ່ແມ່ນແຕ້ເລື່ອງເງິນ ແຕ່ມັນຄືເລື່ອງຂອງຄວາມເຊື່ອໃຈ ແລະ ຖ້າເປັນຄົນທີ່ເກັບເງິນທຸກກີບມາຍາກໆກໍຍິ່ງຫນ້າກັງວົນ ມື້ນີ້ແອັດມີ 7 ວີທີທວງໜີ້ມາຝາກໄປອ່ານກັນເລີຍ:

  1. ຢ່າປະໃຫ້ດົນເກີນໄປ: ບາງຄັ້ງທ່ານກໍອາດຈະຫຼີກລ່ຽງບໍ່ເວົ້າຕົງໆໃຫ້ລຳຄານໃຈ ແຕ່ຫາກວ່າເປັນເງິນກ້ອນໃຫຍ່ທີ່ເຮັດໃຫ້ທ່ານລຳບາກໃຈກໍຢ່າປະໃຫ້ດົນ ຄວນຮີບຈັດການເລື່ອງນີ້ໃຫ້ສຳເລັດໄປ ດີກວ່າສະສົມຄວາມບໍ່ພໍໃຈແລ້ວໃນທີ່ສຸດກໍຈະທຳລາຍທັງມິດຕະພາບ ແລະ ບໍ່ໄດ້ເງິນຄືນອີກ.
  2. ເຕືອນໝູ່ແດ່: ບາງຄົນຫຍຸ້ງຫຼາຍກໍບໍ່ຢາກຖາມ ຫຼື ເຕືອນໝູ່ເລີຍ ບໍ່ດັ່ງນັ້ນອາດຈະຄິດໄປເອງໄດ້ວ່າ ເຮົາບໍ່ໄດ້ເດືອດຮ້ອນຫວັງວ່າຈະໄດ້ເງິນ (ບໍ່ທວງບໍ່ຈ່າຍ) ເຮົາແນະນຳໃຫ້ໃຊ້ນ້ຳສຽງໃສໆ ສະແດງຄວາມຫ່ວງໄຍປະມານວ່າ ຢ້ານວ່າຈະລືມຈະໄດ້ບໍ່ເບິ່ງເປັນການທວງຖາມທີ່ຮຸນແຮງໄປ.
  3. ທາງກົງ: ຖ້າໃຊ້ໄມ້ອ່ອນບໍ່ໄດ້ຜົນ ເຮົາກໍບໍ່ຄວນຈະອ້ອມຄ້ອມ ບາງຄົນບໍ່ເຄັດກໍເວົ້າຕົງໆ ກັນເລີຍ ຖາມເຄີງຊ່ວງເວລາທີ່ຈະຄືນໄດ້ໄປເລີຍ ຢ່າລືມວ່າເຖິງເຮົາຈະເວົ້າຕົງ ແຕ່ຕ້ອງໃຊ້ສຽງທີ່ເປັນມິດ ແລະ ຊັດເຈນ ບໍ່ເບິ່ງເປັນຂົ່ມຂູ່ເກີນໄປ ຖ້າເຂົາຮູ້ໂຕອາດຈະໃຊ້ໜີ້ທ່ານໄດ້.
  4. ໃຫ້ເສັ້ນຕາຍໄປເລີຍ: ຕອນທ່ານໂອນເງິນໃຫ້ ຍັງມີກຳນົດເລີຍວ່າຈະໂອນເງິນມື້ໃດ ເວລາຄືນກໍເຊັ່ນດຽວກັນ ກຳນົດໄປເລີຍວ່າມື້ໃດ ເພາະຖ້າເອົາແຕ່ເວົ້າ ມີມື້ໃດຈະໃຊ້ຄືນແນ່ນອນ ແບບນີ້ຍ່ອມບໍ່ມີທາງໄດ້ຄືນແນ່ນອນ.
  5. ໃຫ້ຜ່ອນຈ່າຍໄດ້: ບາງຄັ້ງເງິນທີ່ຢືມໄປເປັນກ້ອນ ລອງໃຫ້ເຂົາແບ່ງຈ່າຍຄືນເປັນງວດໆ ເບິ່ງຈະໜ້ອຍຫຼາຍກໍລອງເວົ້າລົມກັນເລີຍ ວີທີນີ້ຕ້ອງສອບຖາມ ຈະໄດ້ເຂົ້າໃຈສະຖານະການທາງການເງິນຂອງເຂົານຳ ແລ້ວຄ່ອຍມາຕົກລົງກັນອີກວ່າຈະຜ່ອນຈ່າຍຕໍ່ເດືອນໄດ້ເທົ່າໃດ./
  6. ເປັນແມ່ພະ ! ຕ້ອງລະວັງ: ທ່ານຕ້ອງລະວັງໂຕເອງນຳ ຢ່າໃຈອ່ອນງ່າຍໆ ໃຫ້ໝູ່ຊະນິດຢືມເງິນຈົນຕິດເປັນນິໃສ ບໍ່ແມ່ນວ່າຈະຂໍຢືມເງິນໄດ້ງ່າຍໆ ສ່ວນໜຶ່ງກໍເພື່ອຊ່ວຍໃຫ້ໝູ່ທ່ານຈຽມເນື້ອຈຽມໂຕ ຈຽມເງິນໃນກະເປົ໋າກ່ອນໃຊ້ຈ່າຍນຳ ກ່ອນທີ່ຈະໄປຢືມເງິນຄົນອື່ນ ເຮົາເປັນແມ່ພະໄດ້ ແຕ່ຕ້ອງໃຫ້ຢ່າງມີສະຕິດ້ວຍ.
  7. ຊັ່ງນ້ຳໜັກລະຫວ່າງເງິນ ຫຼື ຄວາມສຳພັນ: ທ່ານຄິດວ່າຄວາມສຳພັນຂອງທ່ານກັບຄົນຊະນິດທີ່ຕິດໜີ້ມີຄ່າສ່ຳໃດ ເປັນຄຳຖາມທີ່ທ່ານເທົ່ານັ້ນທີ່ຕອບໄດ້ ແລ້ວທ່ານຈະປະເມີນຖືກວ່າ ຈະຕັ້ງໜ້າຕັ້ງຕາທວງຕໍ່ໄປ ຫຼື ຈະປະໄປ ແຕ່ບໍ່ວ່າຈະເລືອກຂໍ້ໃດ ຈຳໄວ້ວ່າຫ້າມໃຫ້ໝູ່ ຫຼື ຄົນຊະນິດຄົນນີ້ຢືມເງິນອີກ ຫຼື ຈະໃຫ້ດີກວ່ານັ້ນ ຂໍແນະນຳຫ້າມໃຫ້ໝູ່ຊະນິດຢືມເງິນອີກຕໍ່ໄປ.
Footer Image
error: