ພືດທີ່ສາມາດຟອກປອດ

ເຜີຍແຜ່ວັນທີ 20/02/2022

ອາຫານຟອກປອດຊ່ວຍໃຫ້ຫາຍໃຈສະດວກແມ່ນປະກອບມີ: ໝາກເຜັດທີ່ອຸດົມໄປດ້ວຍສານແຄບໄຊຊີນ ທີ່ໃຫ້ຄວາມເຜັດຮ້ອນ ເຮັດໃຫ້ການໄຫລວຽນຂອງເລືອດດີຂຶ້ນ, ກະຕຸ້ນການສ້າງເຍື່ອເມືອກ ແລະ ປ້ອງກັນການຕິດເຊື້ອ; ແອບເປິ້ນ ມີສານຟລາໂວ ນອຍ, ວິຕາມິນອີ ແລະ ຊີ ຊ່ວຍໃຫ້ປອດເຮັດວຽກໄດ້ດີທີ່ສຸດ; ໝາກອຶ ອຸດົມດ້ວຍສານເບຕ້າແຄໂຣທິນ ແລະ ວິຕາມິນເຊ ມີສັບພະຄຸນເຊັ່ນດຽວກັບຫົວກາລົດ; ຂີງ ເປັນເຄື່ອງເທດທີ່ມີສານຕໍ່ຕ້ານການອັກເສບ ແລະ ກະຕຸ້ນການຂັບຂອງເສຍອອກຈາກປອດ; ຫົວກາລົດອຸດົມດ້ວຍວິຕາມິນເອ, ວິຕາມິນຊີ ແລະ ໄລໂຄປິນ ເຊິ່ງເປັນສານຕ້ານອະນຸມູນອິດສະຫລະທີ່ສົ່ງຜົນດີຕໍ່ສຸຂະພາບປອດ ແລະ ຊ່ວຍຫລຸດຄວາມສ່ຽງຂອງການເກີດພະຍາດກ່ຽວກັບປອດ; ໝາກພິລາຊ່ວຍຢັບຢັ້ງການຈະເລີນເຕີບໃຫຍ່ຂອງກ້ອນຊີ້ນປົ່ງທີ່ປອດ ເພາະປະກອບດ້ວຍສານຕ້ານອະນຸມູນອິດສະຫລະຈຳນວນຫລາຍ ອຸດົມໄປດ້ວຍສານແມັກນີຊຽມໃນປະລິມານສູງ ຈຶ່ງຊ່ວຍໃຫ້ປອດເຮັດວຽກຢ່າງມີປະສິດທິພາບ ແລະ ຍັງເປັນແຫລ່ງກົດໄຂມັນທີ່ຈຳເປັນຕໍ່ລະບົບຫົວໃຈ ແລະ ຫລອດເລືອດ; ກະທຽມ ແລະ ຫົວຜັກບົ່ວແຫ້ງ ອາຫານທີ່ມີກິ່ນແຮງໆເຫລົ່ານີ້ດີຕໍ່ຫົວໃຈ ແລະ ປອດ ເພາະຊ່ວຍຫລຸດການອັກເສບ, ຫລຸດໄຂມັນ ແລະ ປ້ອງກັນການຕິດເຊື້ອ.

ນອກຈາກສິ່ງທີ່ກ່າວມານັ້ນແລ້ວ ຜັກໃນຕະກູນກະຫລໍ່າປີຍັງມີລິດຊ່ວຍຢັບຢັ້ງພະຍາດມະເຮັງປອດ ແລະ ຕັດຄວາມສ່ຽງການເປັນມະເຮັງປອດລົງໄດ້ເຄິ່ງໜຶ່ງ. ອີກທັງຍັງອຸດົມດ້ວຍຄໍໂຣຟິລທີ່ຊ່ວຍຟອກເລືອດໃຫ້ສະອາດ ແລະ ສ້າງເມັດເລືອດຂຶ້ນມາໃໝ່ ລວມທັງມີສານຕ້ານອະນຸມູນອິດສະຫລະບາງຊະນິດໄດ້. ເທົ່ານັ້ນຍັງບໍ່ພໍ ຂີ້ໝິ້ນເຄື່ອງເທດຊະນິດນີ້ມີສັບພະຄຸນຫລາຍຢ່າງຄ້າຍໆຄືກັບຂີງ ທີ່ສຳຄັນຍັງປະກອບດ້ວຍເຄີຄູມິນ ເຊິ່ງເປັນສານທີ່ກະຕຸ້ນການທຳລາຍເຊລມະເຮັງ.

Footer Image
error: