ຜັກຄາວທອງ ສະໝຸນໄພໃກ້ໂຕ

ເຜີຍແຜ່ວັນທີ 03/12/2021

ມາຮູ້ຈັກສັບພະຄຸນຂອງຜັກຄາວທອງ ຜັກພື້ນບ້ານມີລິດເປັນຢາ ຕ້ານໄວຣັສກໍດີ ຂັບຍ່ຽວກໍໄດ້ ແລະ ອີກສາລະພັດປະໂຫຍດດ້ານສຸຂະພາບ.

ຜັກຄາວທອງ ເປັນຜັກພື້ນບ້ານ ມີກິ່ນຄາວທັງໃບ ແລະ ຕົ້ນ ລົດຊາດຄາວ ຂື່ນ ເຜັດຮ້ອນ ຈັດເປັນພືດໃນວົງ Saururaceae ມີຊື່ທາງວິທະຍາສາດວ່າ Houttuynia cordata Thunb. ລັກສະນະໂດຍທົ່ວໄປເປັນໄມ້ລົ້ມລຸກ ສູງ 15-30 ຊັງຕີແມັດ ລຳຕົ້ນກົມ ຮາກແຕກອອກຕາມຂໍ້.

ໃບ ເປັນໃບດ່ຽວສີຂຽວ ອອກຮຽງສະຫລັບ ຮູບຫົວໃຈ ກວ້າງ 4-6 ຊັງຕີແມັດ ຍາວ 6-10 ຊັງຕີແມັດ ປາຍໃບຮຽວແຫລມ ໂດນໃບວ້ຳຮູບຫົວໃຈ ຂອບໃບລຽບ ແຜ່ນໃບລຽບ ກ້ານໃບຍາວ ແລະ ໂຄນເປັນກາບຫຸ້ມລຳຕົ້ນ ອອກດອກສີຂາວເປັນຊໍ່ທີ່ປາຍຍອດ ມີກີບດອກ 4 ໃບ ໂດຍທົ່ວໄປຈະອອກດອກນ້ອຍຈຳນວນຫລາຍ ສ່ວນໝາກເປັນໝາກແຫ້ງ ແຕກອອກໄດ້ຂ້າງໃນມີເມັດຮີໆ.

ຄາວທອງ ສັບພະຄຸນມີຫຍັງແດ່ ?

ຜັກພື້ນບ້ານຢ່າງຄາວທອງ ເປັນຜັກທີ່ມີສັບພະຄຸນທາງຢາ ໂດຍໝໍຢາຕັ້ງແຕ່ສະໄໝບູຮານກໍໃຫ້ກິນຄາວທອງເປັນປະຈຳທຸກມື້ເສີມສ້າງໃຫ້ຮ່າງກາຍແຂງແຮງ ບໍ່ເຈັບປ່ວຍງ່າຍ ໂດຍໃນຕຳຮັບຢາແຜນບູຮານ ຄາວທອງມີສັບພະຄຸນເຊັ່ນ:

ຂັບປັດສະວະ (ຍ່ຽວ)

ຄາວທອງ ມີສານຟາໂວນອດທີ່ຊ່ວຍເພີ່ມການໄຫວວຽນຂອງເລືອດທີ່ໄປລ້ຽງໝາກໄຂ່ຫລັງ ສົ່ງຜົນໃຫ້ມີລິດຂັບຍ່ຽວໄດ້ ໂດຍໃຊ້ທັງຕົ້ນປະມານ 30-60 ກຣາມ ມາຕາກແຫ້ງໃຫ້ໄດ້ນ້ຳໜັກປະມານ 15-30 ກຣາມ ແຊ່ນ້ຳໄວ້ 1-3 ນາທີ ຈາກນັ້ນນຳໄປຕົ້ມໃນນ້ຳຮ້ອນດົນ 5 ນາທີ ກອງແລ້ວດື່ມເປັນຢາຂັບຍ່ຽວ. ນອກຈາກນີ້ ຕົ້ນຄາວທອງຍັງແກ້ບວມນ້ຳ ແລະ ແກ້ການອັກເສບຕິດເຊື້ອທາງຍ່ຽວໄດ້ອີກ.

ປິ່ນປົວພະຍາດຜິວໜັງ ຜື່ນຄັນ ລົມພິດ

ນິຍົມນຳຕົ້ນຄາວທອງສົດມາຕຳລະອຽດ ແລ້ວພອກປິ່ນປົວພະຍາດຜິວໜັງ ຜື່ນຄັນ ລົມພິດ ບາດແມງໄມ້, ສັດກັດຕອດ ຜິວໜັງອັກເສບ ຊ້ຳ ບວມ ແລະ ຍັງໄລ່ໝັດ ຫລື ຄັ້ນນ້ຳມາໝັກຜົມໄວ້ກຳຈັດເຫົາກໍໄດ້ ດ້ວຍສັບພະຄຸນທີ່ຊ່ວຍປິ່ນປົວພະຍາດຜິວໜັງ ແກ້ຜິວແຫ້ງ ແຕກຫຍາບກ້ານ ຈຶ່ງມີຄົນນຳຄາວທອງມາເປັນສ່ວນປະສົມຂອງເຄື່ອງສຳອາງທີ່ໃຊ້ບຳລຸງຜິວ.

ຮັກສາຣິວສີດວງທະວານ

ໃຊ້ຕົ້ນສົດ ຄາວທອງລ້າງສະອາດ ແລ້ວນຳມາຕົ້ນນ້ຳດື່ມ ຈິບເຫລົ້ານ້ອຍໆ ຈາກນັ້ນນຳກາກຄາວທອງໄປພອດທີ່ບາດຣິດສີດວງ ເຮັດຢ່າງນີ້ຕິດຕໍ່ກັນ 3 ມື້ ຫົວຣິດສີດວງຈະຄ່ອຍໆຍຸບໄປ.

ຮັກສາຝີໜອງໃນປອດ

ໃນຕຳລາພື້ນບ້ານລະບຸວ່າ ຄາວທອງໃຊ້ຮັກສາຝີໜອງໃນປອດໄດ້ ໂດຍໃຊ້ຕົ້ນແຫ້ງ 30 ກຣາມ ປະສົມກັບຮາກແຫ້ງ 15 ກຣາມ ຕົ້ມນ້ຳ ຫລື ບົດເປັນຜົງສຳລັບປະສົມນ້ຳດື່ມ.

ຂະນະທີ່ຕຳລັບຢາອື່ນໆຂອງຫລາຍປະເທດໃນອາຊີເຊັ່ນ: ຈີນ, ຍີ່ປຸ່ນ, ສ.ເກົາຫລີ, ເນປານ ຍັງນຳຄາວທອງມາໃຊ້ຮ່ວມກັບສະໝຸນໄພຊະນິດອື່ນ ເພື່ອຮັກສາອາການປ່ວຍ ບໍ່ວ່າຈະເປັນບັນເທົາອາການປອດອັກເສບ, ຫລອດລົມອັກເສບ, ໄອ, ບິດ, ແກ້ໄຂ້, ອາຫານບໍ່ຍ່ອຍ, ເປັນຢາລະບາຍ, ຫລຸດຄວາມດັນເລືອດສູງ, ຄວບຄຸມລະດັບນ້ຳຕານໃນເລືອດ, ຂັບເລືອດ, ປິ່ນປົວພະຍາດສະຕີ ແລະ ອື່ນໆ.

ຄາວທອງຢັບຢັ້ງໄວຣັສ ຕ້ານໄຂ້ຫວັດໃຫຍ່

ຈາກການວິໄຈທັງໃນ ແລະ ຕ່າງປະເທດພົບວ່າ ນ້ຳມັນຫອມລະເຫີຍໃນຄາວທອງສາມາດຢັບຢັ້ງເຊື້ອໄວຣັສທີ່ເປັນສາເຫດຂອງໄຂ້ຫວັດໃຫຍ່ ແລະ ພະຍາດຊາໄດ້. ນອກຈາກນີ້ ຍັງມີລິດຕ້ານໄວຣັສຕົ້ນເຫດພະຍາດເຣີມ ແລະ ໄວຣັສເອດໃນຫລອດທົດລອງໄດ້ອີກດ້ວຍ.

ທັງນີ້, ຫາກຕ້ອງການກິນຜັກຄາວທອງ ໂດຍຫວັງຜົນໃນການປ້ອງກັນພະຍາດຫວັດ ເຮົາສາມາດກິນຄາວທອງສົດໆເພື່ອໃຫ້ໄດ້ນ້ຳມັນຫອມລະເຫີຍຂອງຄາວທອງໂດຍກົງ.

ຜັກຄາວທອງຂ້າໂຄວິດ-19 ໄດ້ບໍ່ ?

ນອກຈາກຟ້າທະລາຍໂຈນແລ້ວ ຍັງມີຂໍ້ມູນທີ່ແຊຣ໌ຕໍ່ໆກັນວ່າ ຄາວທອງມີສັບພະຄຸນປ້ອງກັນໂຄວິດ-19 ໄດ້ ເຊິ່ງບັນຫານີ້ ທາງ ດຣ. ພຍ. ຜະກາກອງ ຂວັນເຂົ້າ ຫວົໜ້າສູນຫລັກຖານ ເຊິ່ງປະຈັກດ້ານການແພດແຜນໄທ ແລະ ສະໝຸນໄພ ໂຮງໝໍເຈົ້າພະຍາອໄພພຸເບສອນ ຊີ້ແຈງວ່າ: ຈາກການວິໄຈໃນປະເທດຈີນດ້ວຍການຈຳລອງພາບ 3 ມິຕິຜ່ານລະບົບຄອມພິວເຕີເມື່ອຕົ້ນປີ 2020 ທີມວິໄຈພົບວ່າ ສານສຳຄັນທີ່ຊື່ວ່າ ເຄວີຊິຕິນ ແລະ ຣູທີນ ເຊິ່ງເປັນສານທີ່ພົບໄດ້ໃນຜັກຄາວທອງ ແລະ ສະໝຸນໄພບາງຊະນິດ ສາມາດຢັບຢັ້ງບໍ່ໃຫ້ໄວຣັສໂຄໂຣນາ 2019 ເຂົ້າເຊວຂອງຮ່າງກາຍ ແລະ ຊ່ວຍບໍ່ໃຫ້ມີການແບ່ງຕົວຂອງເຊວໄວຣັສໄດ້.

ແຕ່ການວິໄຈຍັງຢູ່ໃນໄລຍະເລີ່ມຕົ້ນຫລາຍ ກວ່າຈະພັດທະນາໃຫ້ໃຊ້ໄດ້ຈິງ ຍັງຕ້ອງສຶກສາໃນອີກຫລາຍຂັ້ນຕອນ ປັດຈຸບັນຈຶ່ງຍັງບໍ່ມີຫລັກຖານຢືນຢັນວ່າ ຜັກຄາວທອງຂ້າເຊື້ອໄວຣັສໂຄໂຣນາສາຍພັນໃໝ່ ທີ່ເຮັດໃຫ້ເກີດພະຍາດໂຄວິດ-19 ໄດ້. ເຖິງຢ່າງໃດກໍຕາມ, ກົມການແພດແຜນໄທ ແລະ ການແພດທາງເລືອກ ກະຊວງສາທາລະນະສຸກ ໄດ້ຈັດຜັກຄາວທອງໄວ້ໃນກຸ່ມຜັກເສີມພູມຄຸ້ມກັນ ໂດຍລະບຸວ່າ ຜັກພື້ນບ້ານຫລາຍຊະນິດ ເຖິງວ່າຈະບໍ່ມີການສຶກສາວິໄຈກ່ຽວກັບພະຍາດໂຄວິດ-19 ແຕ່ພົບວ່າມີສັບພະຄຸນຢັບຢັ້ງການຕິດເຊື້ອໄວຣັສກໍ່ພະຍາດ ມີລິດກະຕຸ້ນພູມຄຸ້ມກັນ ແລະ ຕ້ານການອັກເສບໄດ້ດີ.

ຜັກຄາວທອງກັບມະເຮັງ

ຜັກຄາວທອງເດັ່ນດັງໃນເລື່ອງຕ້ານເຊວມະເຮັງເຊັ່ນກັນ ໂດຍຈາກການສຶກສາລິດທາງເພສັດວິທະຍາ ທັງໃນ ແລະ ຕ່າງປະເທດ ພົບວ່າຜັກຄາວທອງ ມີລິດທຳລາຍເຊວມະເຮັງໃນຫລອດທົດລອງ ຢັບຢັ້ງການຈະເລີນເຕີບໃຫຍ່ຂອງເຊວມະເຮັງເມັດເລືອດຂາວ ແລະ ຍັງມີສັບພະຄຸນຕ້ານອະນຸມູນອິດສະຫລະ ກະຕຸ້ນລະບົບພູມຄຸ້ມກັນໃນຮ່າງກາຍ. ຄາວທອງ ຫລື ຄາວຕອງ ຈຶ່ງຖືກນຳໄປຜະລິດເປັນຢາຮ່ວມກັບສະໝຸນໄພອື່ນໆ ເພື່ອໃຊ້ໃນຜູ້ປ່ວຍມະເຮັງ ແລະ ຜູ້ປ່ວຍທີ່ມີພາວະພູມຄຸ້ມກັນບົກຜ່ອງ.

ນອກຈາກນີ້, ໃນປະເທດຈີນຍັງໃຊ້ຄາວທອງປະກອບຢາຕຳລັບຜົງ ແລະ ຢາສີດມະເຮັງຫລາຍຊະນິດ ໂດຍພົບວ່າຄາວທອງມີລິດຕ້ານການອັກເສບ ແລະ ບັນເທົາປວດ ທຽບເທົ່າກັບຢາແກ້ປວດໃນກຸ່ມ NSAIDs ແລະ ມີລິດຕ້ານການເກີດແຜໃນກະເພາະອາຫານນຳ. ແຕ່ເຖິງຢ່າງນັ້ນ ກໍບໍ່ແມ່ນວ່າເຮົາຈະສາມາດບໍລິໂພກຜັກຄາວທອງເພື່ອຫວັງຜົນໃນການຖືກຮັກສາມະເຮັງໄດ້.

ຜັກຄາວທອງຄວນໃຊ້ແນວໃດ ?

ເນື່ອງຈາກຄາວທອງເປັນຜັກພື້ນບ້ານ ຈຶ່ງນິຍົມກິນສົດ ເຊິ່ງຈະໄດ້ນ້ຳມັນຫອມລະເຫີຍຂອງຄາວທອງໂດຍກົງ ຫລື ຈະກິນຕາມຕຳລັບຢາມະໝຸນໄພກໍໄດ້ ໂດຍໃຊ້ຕົ້ນຄາວທອງແຫ້ງ 15-30 ກຣາມຕົ້ມກັບນ້ຳແລ້ວຕອງດື່ມເປັນຊາ.

ສ່ວນການຮັບປະທານຄາວທອງສະກັດ ຫລື ຄາວຕອງສະກັດໃນຮູບແບບເມັດ ຫລື ໃນຮູບແບບໃດໆກໍຕາມ ຄວນເບິ່ງວິທີການສະກັດຄາວທອງທັງໝົດ ໄປເຖິງປະລິມານສານສຳຄັນຂອງຄາວທອງໃນຜະລິດຕະພັນນັ້ນໆໃຫ້ດີ ເນື່ອງຈາກການສຶກສາວິໄຈແຕ່ລະການສຶກສາອາດຈະໃຊ້ວິທີການສະກັດຂອງຄາວທອງທີ່ແຕກຕ່າງກັນອອກໄປ.

ທັງນີ້ ກ່ອນຈະກິນສະໝຸນໄພເພື່ອປິ່ນປົວພະຍາດ ຫລື ເສີມສຸຂະພາບກໍຕາມ ຄວນປຶກສາແພດ ຫລື ເພສັດສະກອນກ່ອນທຸກເທື່ອ ໂດຍສະເພາະຄົນທີ່ມີພະຍາດປະຈຳຕົວ ຫລື ກິນຢາບາງຢ່າງເປັນປະຈຳ ເພາະຄາວທອງມີລິດທາງເພສັດວິທະຍາ ເຊິ່ງອາດໄປກະທົບກັບການເຮັດວຽກງານຂອງຢາບາງຊະນິດທີ່ກິນຢູ່ໄດ້.

ຜັກຄາວທອງມີຜົນຂ້າງຄຽງບໍ່ ?

ປົກກະຕິແລ້ວຫາກຮັບປະທານຄາວທອງໃນຮູບແບບອາຫານມັກຈະບໍ່ມີຜົນຂ້າງຄຽງທີ່ໜ້າເປັນຫ່ວງ ເພາະປະລິມານໃນການກິນຜັກຄາວທອງຈະບໍ່ຄ່ອຍຫລາຍ ແລະ ການກິນອາຫານແຕ່ລະເທື່ອເຮົາກໍຈະກິນອາຫານທີ່ຫລາກຫລາຍ. ແຕ່ຢ່າງໃດກໍຕາມ, ການໃຊ້ຜັກຄາວທອງທັງແບບຮັບປະທານ ແລະ ໃຊ້ເປັນຢາພາຍນອກ ກໍອາດເກີດຜົນຂ້າງຄຽງໄດ້ໃນບາງຄົນດັ່ງນີ້:

ຜັກ ແລະ ສະໝຸນໄພໃກ້ຕົວເຮົາລ້ວນມີປະໂຫຍດ ແລະ ສັບພະຄຸນທີ່ດີຕໍ່ສຸຂະພາບ ບໍ່ວ່າທາງໃດກໍທາງໜຶ່ງ ແຕ່ສິ່ງສຳຄັນກໍຄື ເຮົາຄວນເລືອກໃຊ້ປະໂຫຍດຈາກຜັກ ສະໝຸນໄພ ຫລື ຫຍັງກໍຕາມຢ່າງເໝາະສົມ ທັງນີ້ເພື່ອຄວາມປອດໄພຕໍ່ສຸຂະພາບຂອງຕົວເຮົາເອງ.

Footer Image
error: